選舉管理委員會日前公布二○一九年區議會換屆選舉選區同劃界嘅臨時建議，並進行公眾諮詢。臨時建議隨即畀唔同政黨同政界人士鬧爆選管會玩針對，劏區劏到亂晒龍，令到有啲政黨嘅選票大量流失，甚至有滅黨危機，亦有啲議員就話要跟選票轉區參選添！選管會主席馮驊當日否認有政治考慮，不斷強調只係跟人口數目去重新劃區，但冇人信，依家群情咁洶湧，睇怕佢喺呢個諮詢期內日日都會畀人鬧，有排捱呀！
