血氣方剛男子偕友到酒吧消遣時結識年輕美女，女方與他「細語」時，他已難抵其耳邊呵氣的攻勢，離去時美女聲稱疲累而主動要求到男子家休息，更正中他下懷，駕車載她回家兩度性交。怎料一夜雲雨後卻疑墮桃色陷阱，事後接獲來電勒索六萬元，對方指他「搞咗」其女友，要求「一係你跌錢，一係捱我兩刀」。男子拒付，其車即遭人灑上「起漆水」，他遂報警求助。警方事後拘捕疑涉案的美女，案件昨於區院開審。
廿三歲女被告游祖怡，洋名Chantal，否認串謀勒索及刑事毀壞共兩罪。外貌娟好的被告，有長長秀髮及嬌小身材，語調嬌柔，昨日她在朋友掩護下，成功避開記者鏡頭離開。被告被捕後在錄影會面中聲稱當日飲醉了，甚麼也記不起，醒來時發覺自己在家，她否認認識案中廿二歲男事主X，亦否認曾在X家中與X性交。
控方先讀出開案詞，今日始傳召X作供。控方指去年四月卅日凌晨，X與友人在尖沙咀酒吧共聚，期間由朋友介紹而認識被告。X因要駕車故沒有喝酒，被告則不時與X耳語及耳邊吹氣，眾人消遣至清晨五時，X駕車接送被告及她朋友離開，惟被告待友人下車後，要求先往X家「休息」，入屋後，二人隨即兩度性交。
同日下午，X接送被告離去後，收到男聲電話，對方指X「搞咗」其女友，要求X「一係你跌錢，一係你出嚟捱我兩刀，一係我報警，我畀五分鐘你諗吓」。片刻X又收到來電，要求他付六萬元解決事件，否則會告他，X認出這個是被告聲音，深知已墮「黃腳雞」局的X，堅拒付錢。再一會，X再收到男聲電話，要求與X「出來傾吓」，X掛線。
至五月一日，X發現其車的左車頭至車尾，遭人淋上「起漆水」，令車身油漆脫落，事後維修費兩萬元。X翌日報警時，再接獲是被告聲音的來電，X遂把對話錄音。對方問X：「你鍾唔鍾意隻色啊？唔鍾意下次轉第二隻色！」X重申：「唔會畀錢。」對方要求與X面談，又語帶威嚇：「你知唔知自己招惹咗咩人呀」，又着X「最近小心啲，有啲人呢，就真係唔係你惹得起嘅！」警員同日上門被告家將她拘捕，被告警誡下稱：「我無嘢講，我咩都唔知。」另外，辯方又指，警員拘捕被告時曾說：「條仔話妳擒咗佢，都係o架喇，你咁姣，晚晚唔同仔o架啦。」
案件編號：DCCC 1157/2017