政情：馮英倫自爆個名同颱風有關

馮英倫（右）接受蔣麗芸（左）訪問自爆名字因由，仲分享小時候嘅相片。（互聯網圖片）

出世撞正愛倫襲港

馮就話好多人都有咁嘅諗法，但事實係佢出生時咁啱打風，就係當年掛十號風球嘅「愛倫」，於是就用咗其中個「倫」字。記得一九八三年愛倫襲港，可謂係超強颱風，十號風球掛咗八個鐘，造成好大傷亡o架！於是阿Ann追問，狂風暴雨下，咪截唔到的士去醫院？馮就笑言好彩當時已經喺醫院嘞！

• 馮英倫（互聯網圖片）

馮英倫十幾年前讀港大時做過學生會外務副會長，佢話每年嘅學生會都會跟隨當時嘅社會轉變而有唔同，當年就出現咗反釋法、雙普選爭拗，亦剛剛簽訂咗CEPA，所以學生會着重探索香港與內地經濟嘅發展。佢又寄語現時嘅大學生要認識內地，更加要有廣闊嘅國際視野，先可以維持競爭力。