政府提出將市建局喺馬頭圍道/春田街發展項目作為「港人首置」嘅先導項目，市建局行政總監韋志成尋日話若以六二折至七二折發售，會令市建局少收十幾億元，仲話依家市建局有一百幾億元流動資金，若多做數個資助房屋項目，將減少資源做收購，需要平衡財務風險，咁樣對市建局財政肯定構成壓力。話時話，外界多次狠批市建局賣天價樓，間接推高樓價，亦令市建局水漲船高，依家少收嗰十幾億元啫，韋志成講到好肉痛咁，佢係咪唔記得市建局係法定機構，唔係私人發展商呀，下下要賺到盡嘅咩！
