政情：今日你上鏡：梁孔德陪老婆行街瞌眼瞓

世界盃進入淘汰賽之後，戰況可謂一場激烈過一場，搞到唔少球迷晚晚都唔捨得瞓，幾攰都要頂硬上，捕捉精彩入球嗰一刻，相信香港足球總會主席梁孔德都係一樣！事關我哋早排喺中環撞到佢，當時佢同老婆梁劉柔芬一齊行緊街，當時已經係下晝，但梁孔德似乎都冇乜精神，仲一邊行一邊打喊路，唔通佢前一晚睇完波，之後啱啱瞓醒就陪老婆行街？眼見佢哋行過好多舖頭，但就乜都冇買，最後入咗戲院睇戲。不過，梁孔德連行街都瞌眼瞓，唔知會唔會睇到一半就瞓着咗呢？