涉款五千萬元嘅觀塘海濱音樂噴泉備受爭議，而立法會工務小組委員會喺上月中否決有關項目後，政府極速翻叮喺今日第三度闖關，建制派同民主派更喺小組開會前大鬥法，身兼區議員嘅立法會議員柯創盛就連同建制派區議員聯署發信畀工務小組，要求過關，而公民黨立法會議員譚文豪批評項目無限復活，而佢黨友區議員聯同民主派區議員聯署，要求工務小組延遲審議，先交由區議會審議修訂項目。究竟過唔過到關？關鍵係建制派咪再甩轆囉！
