政情：公民講場：沙中線剪筋醜聞劉炳章激動「護短」

近期港鐵連環爆出醜聞，相信港鐵高層對點樣拆彈都相當頭痕，更要有心理準備去到邊都被人問。尋日就輪到港鐵獨立非執行董事劉炳章被人質問，佢喺一電台節目被問到沙中線醜聞，但佢就爆Seed話自己最有資格講港鐵，其他人完全無資格喎。咁大口氣，但就冇再解畫，只係老調重彈，指政府已成立有傳召能力嘅獨立調查委員會，並委任咗法官做主席，任何人被發現干犯刑事罪行，不論係官員、職工、承辦商等都要負責。