香港土地問題嚴重，一直都有關注團體同立法會議員認為政府應該發展棕地，但政府就好似一直歎慢板咁。立法會發展同房屋兩個事務委員會尋日開會，身兼行政會議成員嘅立法會議員葉劉淑儀就話，棕地問題存在好耐，批評政府太遲起步研究棕地。發展局局長黃偉綸話，要今年底先完成到有關棕地作業嘅調查報告同棕地作業多層化發展研究，又賴研究時面對唔少困難。政府咁樣做嘢法，唔怪得解決唔到土地問題喇！
