為求銷量，壹淫媒可以去到幾盡？答案係連細路女都唔放過，連受害人都可以出賣，冇道德、冇良知、冇底線，呢啲咁賤格嘅行為，何止喺傷口灑鹽，直頭係販賣人血饅頭，衰到冇人有呀。
呢，近排一單父母疏忽照顧兒童案震驚全城，受害女童林林被餓到「皮包骨」兼滿身爛肉，仲一度呼吸心跳停頓，最終慘成植物人，身世夠晒可憐，夠晒悽慘。稍有惻隱之心嘅，都唔會再喺小妹妹傷口上灑鹽，點知壹淫媒死性不改，爛果報報道有關新聞時竟然完全唔「打格仔」，直接刊登林林插喉留醫嘅相，仲登埋全名同病歷，簡直當《私隱條例》冇到，對一個完全冇反擊力嘅女童伸出魔爪，泯滅人性。法律界人士直指壹淫媒已觸犯法例，呼籲私隱專員介入，還林林公道。
係人都知，壹淫媒經營不善，流血不止，一年蝕成五億元，幾年夾埋蝕近二十億元，之前仲發埋盈警添，真正係窮到燶，對於陷入窮途末路嘅漢奸黎嚟講，只要可以賣多兩份報紙，不擇手段都在所不計。爛果報覷準可憐嘅林林出唔到聲，社署又要等埋法庭判刑至可以成為合法監護人，契弟仲唔趁佢病攞佢命咩，小妹妹慘成犧牲品，真係聞者心酸，人神共憤呀。
講真，壹淫媒侵犯私隱嘅衰嘢仲長過阿婆塊紮腳布，三日三夜都數唔完，最叻就係以新聞自由、公眾利益為幌子，公器私用，無事生非，生安白造，受害者不計其數。嗱，屈指一數，已經有老屈女明星賣淫，毀人名譽；捏造城中富商生癌，不安好心；渲染洗頭水致癌，搞到人哋差啲破產；仲有偷拍女藝人換衫，影未成年少女濕身照，摷女明星屋企垃圾桶等等，沒有最無恥，只有更無恥，單係宣淫販賤被判罪名成立嘅案例都有一百多宗，話係傳媒敗類、社會公敵都冇誇張。偏偏當局次次都係高高舉起、輕輕放下，壹淫媒唔有恃無恐、變本加厲至奇。
大家有眼見，漢奸黎扮晒「傳媒聖人」、「民主鬥士」，查實係反中亂港，宣淫販賤，唯恐天下不亂。好明顯，一個巴掌拍唔響，如果唔係有港府同司法包庇，契弟早就監都有得坐，仲點可能繼續為禍人間，連細路女都搞吖。唔使講其他，淨係漢奸黎恐嚇東方記者案，東方八度去信質詢律政司都冇結果，擺明有司法保護傘撐腰喇。
冇計嘞，反中亂港有運行，愛國愛港冇前途，香港就係咁荒謬。不過咁，邪不能勝正，壹淫媒業績長期見紅，不斷尋底，證明已被市場同讀者唾棄，就算有司法庇蔭都冇用，神仙都難救呀。