西鐵元朗站架空路軌兩座橋躉疑受附近住宅工程影響，發生嚴重沉降。港鐵承認早喺二○一二至一三年已發現，同發展商及屋宇署商討後，同意喺去年十月為涉事橋躉進行加固工程。身兼元朗區議員嘅立法會議員梁志祥，尋日直言對事件感到震驚，話區議會從未收到通報，促請有關方面交代。高鐵及沙中線工程問題多多，接連爆出醜聞，依家又再爆鑊，唔通運輸及房屋局局長陳帆諗住將臭屎密冚就冇人知？
