【本報訊】律政司在本案中向兩名涉案財務公司職員發出免予起訴書一事，一直爭議不斷，律政司昨被法官多番質問下聲稱，雖不能在法理上證明兩人有罪，但欲讓兩人能在庭上「暢所欲言」，故不會撤回免予起訴書。法官聞言反問「律政司依家拍心口話無證據告佢哋，唔係最大保障咩？點解要畀免予起訴書？」質疑律政司此舉是「自打嘴巴」，更諷刺律政司是「理由講唔出，不過我哋有權」。
辯方昨日繼續對向兩名財務公司職員發出免予起訴書一事提出質疑，律政司重申兩人是僱員角色，無證據顯示他們收過有關款項。法官遂問：「即係你哋唔覺得佢哋放高利貸啦！咁點解要畀免予起訴書佢哋？咪自打嘴巴？」律政司解釋為了讓該兩名職員在庭上作供時「暢所欲言」，加上亦不能確定兩人庭上證供的內容，故不會撤回免予起訴書。
法官聞言又不解，指律政司已取了兩名職員證供，「全世界、全宇宙嘅資料都畀晒你哋，你哋都話唔夠料告喇，你哋仲要包埋佢宇宙之外，我都唔知宇宙之外叫咩喇！」律政司依然重申不能確定證人庭上作供內容，法官禁不住提高聲線，質疑律政司是否連兩人在庭上「講錯嘢都要包埋」，要「保住佢（職員）！要錫住佢！令人懷疑你哋之間有乜嘢……」
法官一再揶揄律政司有絕對權力，「無人可出聲駁你」，總之「律政司畀一啲無犯事嘅人免予起訴，要佢哋喺庭上講番啲無犯罪嘅事實……我做bar（「barrister」縮稱，即大律師）三十一年未聽過！」