冇派狗仔隊 投票唔齊腳
被問到係咪有心「裝」建制派唔齊人投票，多名泛民議員都異口同聲話無，仲譏諷問責搵番建制派，強調係委員會主席盧偉國劃線投票，「我哋控制唔到」。據悉，政府都「大安旨意」，無派「狗仔隊」到立法會。有建制派議員話民政局提早發訊息提醒，預計前日會就項目投票，希望各位議員出席，當日臨投票前仲再發訊息叫人去會議室準備添！
另有建制派議員大呻，點知政府數唔夠人，到投票先見到泛民好「齊腳」，不過如果真係得一個冇嚟都小事，七、八個建制派一齊甩轆，「當中肯定有啲問題！」據悉，工聯會陸頌雄前日因腳傷入院，有指佢要同黨友何啟明爭下屆九龍東一席，今次連觀塘項目都無現身，相信都幾難可以站得住腳嘞！