世盃決賽周快將開打，各地球迷紛紛遠赴俄羅斯，希望入場睇波支持愛隊，當中東道主俄羅斯眾望所歸，位居票房買家之首，但估不到未能殺入決賽周的美國及中國，購票仍屬前十大戶，果然睇波大過天。
根據近日國際足協數據顯示，至今已售出240萬張門票，東道主俄羅斯人買入超過87萬張，排第1位非常合理，畢竟東道主球迷對國家隊寄予厚望，希望親睹愛隊藉地利取得佳績。不過，第2位竟然是俄羅斯的政治對手美國，買了近9萬張，美國在世界盃外圍賽意外出局，無緣今屆決賽周，卻未有減退該國球迷睇波的熱情，購票人次比巴西、哥倫比亞、德國等有份參戰的國家更多，實在始料不及。
至於中國亦購入超過4萬張門票，位列第9位，換言之，票房前十大買家，只得中國同美國冇份踢決賽周，可見兩國多「真球迷」，純以睇波角度出發。相反，一向熱愛足球的英國人，只買入約3.2萬張門票，排第11位，可能是他們對「三獅兵團」於世盃決賽周前景不太樂觀所致。