政情：公民講場：尖山隧道少人用陳帆被轟佛系管理

立法會政府帳目委員會尋日討論審計署報告揭示尖山隧道使用率偏低問題。有議員批評，尖山隧道行車量遠低於獅子山同大老山隧道，但係八號幹線沙田段喺通車九年後，當局先至展開交通流量合理分布研究，認真監察不力。運輸及房屋局局長陳帆回應指，造成上述情況係因為市民有使用慣性，此言一出即惹來議員不滿，形容佢係「佛系管理」。近排港鐵沙中線紅磡站地盤被揭有鋼筋被剪短造假，仲有多項大型基建項目超支，鑊鑊都關陳帆事，認真冇神經。