發展局尋日向立法會提交嘅文件指出，全港約有八成升降機嘅配備未達到最新安全裝置水平，而機電署過往推出非強制性嘅優化指引，進展亦唔顯著，所以依家正擬定短、中、長期嘅新措施以提升舊式升降機嘅安全。接連發生多宗升降機意外，依家市民搭升降機都提心吊膽，原來發展局局長黃偉綸同機電署署長薛永恒早就知道有問題，但就懶懶閒，咁即係搵人命較飛啫，到咗依家先急急補鑊，確實太遲喇！
