中環出更：張宇人有會唔開 偷懶去超市？

為業界視察日式超市

作為飲食界代表嘅張宇人，其實係去視察日式超市，了解處理貨架說明同產品資料，為將來解除部分日本食品進口禁令做準備，離開議會只係為咗業界，並非偷懶。佢話希望推動香港超市所出售的日本進口食品都列明產地，令到仍然對日本食品欠缺信心的市民安心進食，形容有關做法係百利而無一害，又透露業界反應正面。

今次視察仲有大發現添！佢話視察完先知道有關超市逢周三有特價，吸引唔少市民排隊，似乎佢對有關情景感到非常新奇，佢解釋平日係太太負責去超市購物，所以自己未曾見識過。

至於點解喺立法會開會期間偷走去視察，佢就話已就行程作多番遷就，例如安排翻譯、遷就日本駐港總領事松田邦紀等，但佢喺視察後已趕回立法會開會，完全冇借機去偷懶喎。

卓妮