香港安老院舍嚴重不足，長者輪候時間長，就算輪候到宿位，居住面積都好狹窄，近日有團體就要求修例訂明院舍人均面積，等長者唔使愈住愈細。點知勞工及福利局局長羅致光尋日話，安老院舍嘅需求不斷增加，興建院舍速度追唔上需求，如果再大幅度增加人均面積，院舍將來提供嘅宿位就會減少，只會不斷「愈追愈落後」，仲叫大家喺理想同現實要攞平衡喎。羅致光身為局長就係要解決問題，唔係有事就出嚟呻埋一份，如果唔係返大學教書或者去榕樹頭講古好過啦！
