究竟強積金係咪「強迫金」？可能見到外界嘅怨氣高漲，積金局主席黃友嘉尋日就喺網誌解畫，話強積金構思係為打工仔「先儲未來錢」，呢啲逼出嚟嘅儲蓄係用作退休儲備，所以強積金係必要嘅。老實講，當年傾咗好耐先可以推出強積金，就係要為打工仔做退休保障，若果依家推翻強積金，又冇全民退休保障，退休之後仲有乜揸拿呢？淨係靠生果金同長者生活津貼係咪夠撐呢？所以黃友嘉先咁緊張啫！
