政情：八網難逃：魔鬼山墳場見到嘢 莫乃光嚇到「走夾唔抖」

Charles話當日係同約十位老友一齊行山，行近墳場石廠附近就見到一架廢棄車，但就已經冇晒零件，懷疑有人劏車後棄車。鬼馬嘅佢見到覺得畫面有趣，就扮晒好似要「逃出生天」咁影相，仲笑言「香港行山撞到嘅垃圾有咁大件得咁大件！」認為大家唔應該亂拋垃圾。

點解咁鍾意行山？佢話每次行山都只係為咗食，所以行完山即刻同班老友去咗將軍澳一間餐廳擦餐勁嘅，下晝再返立法會沖涼兼開會喎。