喺金鐘俗稱「門常開」嘅政府總部尋日發生牆磚剝落意外，仲擊傷咗一名茶水部女工，認真危險！老實講，政總喺一一年八月正式啟用，至今未夠七年就老化成咁，點解呢？要怪就怪前特首曾蔭權爵士當年為咗可以喺任內搬入新址，要政總同立法會綜合大樓不停趕工出事，其實兩幢大樓早幾年已多次出現漏水問題，特別喺暴雨之後，稍為嚴重啲都會出現「瀑布」，就因為曾爵士為咗一己私利，搞到兩幢大樓變咗豆腐渣，都係佢之過，冇得甩身！
