尋日有一個關於兩岸四地消費者信心嘅調查公布，結果顯示香港嘅消費者信心連續兩季包尾，調查機構話指數涵蓋六個範疇，而香港消費者最大擔憂仍然係「購買房屋」。老實講，政府連番出辣招，但樓價不跌反升，仲愈升愈高。財政司司長陳茂波（波叔）多番強調暫時冇打算「撤招」，但又冇招去壓低樓價，市民唔知要等到幾時先上到車？波叔有計未呀？
