職場健康：合適輔助工具 助減身體勞損
在速遞公司的接待處，速遞員新哥剛派發完信件回到公司，看見坐在接待處的同事小美向他招手。
小美：「哇，新哥快過來睇吓啲相，好靚仔呀。」
新哥：「等我睇睇，講緊邊個呀？」
小美：「唔係呀，我講緊呢批公司新訂購的手推車。你睇吓，車轆夠大，手柄高度仲可以調校，實幫到你哋送貨嗰陣慳番啲體力，同埋減少身體勞損嘅機會。」
新哥：「又真係靚仔喎，估唔到小美你都識職安健知識。不過其實除咗手推車，我身上兩用式送件袋都好好o架，清楚寫明重量限制，大小適中，步行嗰陣可以調整至背囊式，分散同紓緩肩背壓力，派信件嗰陣又可以調整至肩帶式，方便拿取信件，幾方便呀。」
小美：「借來睇睇，係喎，又真係幾方便。不過新哥你成日四圍去，平時要留意吓職安健呀。」
多做伸展運動 強化關節肌肉
新哥：「我知呀，所以公司定期提供職安健培訓課程我都有上齊，例如正確使用輔助工具、正確提舉同搬運姿勢同腳部健康專題等，我都好熟o架。其實公司仲按照每個地區派送貨件嘅特性，例如數量、重量同埋地區環境情況，安排足夠人手。我平時得閒嗰陣仲會做伸展運動，幫助靈活關節同強化肌肉。小美，其實你咁關心我，你覺唔覺我都好靚仔？」
小美：「唔……新哥，你真係好風趣幽默。」
職業安全健康局
www.oshc.org.hk