違法佔領行動發起人之一嘅港大法律系副教授戴耀廷，喺上月底赴台灣出席論壇時，曾揚言香港等地嘅人民應思考要成為「獨立國家」、還是建立「聯邦」政府，有關言論連日來遭各界狠批播「獨」，但佢尋日死撐話唔會為言論道歉，又話自己唔贊成港獨。老實講，佢喺一四年發起違法佔中，禍延極深，令到自決同港獨思潮抬頭，而佢飲完又唔找數，仲推說係全社會嘅責任，依家佢又話冇喺台灣播獨，根本係擺明敢做唔敢認。
