政情：改名性別錯亂 黃楚基嚴偉賢笑話多

誤編黃入女宿舍被趕

見到Bonnie呢個名，九成九都會估係女仔，偏偏生得好高大嘅黃楚基都叫Bonnie。佢笑笑口話個名係媽媽改嘅，用慣咗都冇問題。不過想當年喺外國升讀中學及大學時，兩次都被校方編排到女生宿舍，佢拖住幾個大篋去報到，結果都被趕出嚟，諗起都覺得好笑。

嚴鍾意個名夠晒硬淨

望落斯文嬌小嘅嚴偉賢啱啱相反，佢有個man爆嘅中文名，自細就被誤以為係男仔。少女偉賢梗係覺得好唔開心喇，但依家又覺得幾好喎。佢笑笑口話，事關佢做製冷及電器業，個男仔名夠晒硬淨，襯晒佢做工業呢行喎。真係搞笑。