政情：大學實習去車廠 黃永光：畢生受用
雖然距離暑假仲有幾個月，但大學生應該要開始準備，講緊嘅唔係計劃玩樂大計，而係尋找暑期實習機會。香港青年聯會副主席黃永光早前出席一個活動話，讀大學時都去過唔同地方實習，其中第一份實習工作係去咗美國一間德國品牌車廠。
黃永光話，當年佢就讀大學二年級，因為只有兩個實習名額，所以競爭好大。當時車廠對實習生嘅要求好高，佢亦都親身體驗到大企業重質不重量嘅理念，仲話嗰次經驗令佢畢生受用添！
可學到人際關係
佢話好鼓勵大學生去做實習生，因為可以學到基本嘅商業運作概念，最重要係學習到書本學唔到嘅人際關係，呢樣嘢更加影響深遠喎。