政情：公民講場：「三不」版TSA惹爭議勉強復考冇幸福

小三全港性系統評估（TSA）過去被指係操練文化嘅源頭，取消TSA嘅聲音一直存在，最終教育局決定停考一年，之後仲推出改良版。雖然點做都有爭議，但教育局尋日都決定復考TSA，宣布全港每所小學中抽出一成學生作評估，但就不記名、不記校、不提供學校報告喎，呢個方案依舊被批評唔能夠移除操練誘因，更有人質疑改變政策目標。將TSA改到變晒樣、飽受抨擊都堅持復考，唔知教育局局長楊潤雄明唔明咩叫勉強冇幸福（口架）？