在香港搞風搞雨二十八年的《壹週刊》賣盤失敗，最後要拔喉「摺書」，香江從此少一禍害，大家好應該高興吓！壹淫媒近年摺書一本又一本，老朽年紀大記性差，未能一一去數清楚。《壹週刊》失血過多，即使出網版，亦不過是苟延殘喘，多行不義必自斃，這是歷史的鐵律。自己玩死自己，在窮途末路下給自己送上一顆子彈，未嘗不是「乾淨利落」，未嘗不是另一種「爽死了」！
《壹週刊》嘅惡行，講起嚟真係成本電話簿咁厚，誹謗名人影星多如天上繁星，亂作古仔以求吸睛谷銷量是其慣技，家陣佢走向垃圾堆填區，的確有好多人開香檳燒炮仗並熱烈地彈琴熱烈地唱！正如本報「正論」一針見血指出，《壹週刊》自創刊之日就以反中亂港、宣淫販賤為職志，不知幹下多少傷天害理的壞事，包括引入狗仔隊文化追蹤名人，摷明星垃圾桶窺人私隱，偽造名人生癌刺激銷量，生安白造污人清白……該刊造謠某名牌洗髮水致癌，搞到被害者損失巨額財富，不過是冰山一角而已。《壹週刊》做做埋埋咁多衰嘢，有乜理由會唔衰收尾啊！
《左傳》記載了這麼一個故事：魯莊公三十二年，有神明降臨虢國的莘地，國君祭祀之後，神明答應賜虢國土地。這本為吉祥之事，但太史嚚並不樂觀，認為福與禍不是靠神的賜予，而是歸於人自身的行為，如果國君只迷信鬼神，不勤政愛民，神不但不會賜福，還會懲罰。果然，魯僖公二年，晉國伐虢國並滅其宗廟。
一個人多行不義，同樣係求神拜佛都冇用。漢奸黎衰開有條路，豈是偶然？即使佢有外部勢力撐腰、有司法保護傘，然而人在做天在看，劣行敗德又怎可以呃到人？所謂「善惡到頭終有報」，因果報應，惡有惡報，若然未報，只係時辰未到！漢奸黎時辰一到，好行夾唔送！