街市冇冷氣，夏天熱到火爐咁，冇人入去，等如冇生意做。食物及衞生局局長陳肇始尋日去咗巡視大圍街市，即時話政府會負擔安裝冷氣費用，但電費就要由租戶分擔，仲話如果項目嘅撥款申請喺今個月獲立法會工務小組同財委會通過，預計喺今年底開展工程。陳肇始簡直係隨口噏，開埋晒呢啲期票，皆因泛民拉布，搞到財委會依家大塞車，係咪今個月可以通過裝冷氣撥款都係未知之數，街市裝冷氣真係要等運到嘞！
