政情：劉國勳爆少時同人做「魔鬼交易」

大家咪緊張，講緊嘅係考試出貓。阿勳自爆話年少無知時，都曾經試過喺校內考試出貓，仲係同同學有「魔鬼交易」，最後幸好逃過老師「法眼」咋！

考試出貓 與同學「分工合作」

阿勳話讀中學嘅時候，每次中史科考試嘅選擇題都會好高分，甚至有時候係滿分，所以成班同學就諗計仔分工合作，阿勳負責提供考試答案，同學就負責幫佢做功課，真係「我為人人，人人為我」，非常有效率！

咁點樣可以避開老師「法眼」呢？阿勳就笑說，佢每次考試都會帶埋部計數機入試場，公開考試用嘅計數機可以設定方程式，輸入英文字母，佢只要將答案儲存入計數機，再傳畀同學就無問題。之不過，佢都笑自己年少無知，只係好細個同同班同學玩先出貓，強調喺公開試從來都冇試過。