家吓啲人成日話，狗係人類最好嘅朋友，但如果畀人話係狗就另一回事，係相當侮辱性嘅講法。保衛香港運動主席傅振中尋日去立法會請願支持一地兩檢時，就提到踏入狗年，希望啲民主派議員好似狗咁聽話，唔好再拉布！唔知佢係誠心許願，定係有心玩班民主派呢？無論點都好，傅振中呢個新年願望都肯定會落空，因為班民主派轉個頭就喺一地兩檢草案委員會上拉布，誓要令高鐵香港段通車無期。
