龜癡搭龜樂園豪宅 住得又玩得

家養逾十隻盾臂龜星龜

龜樂園全是Ben一人製作，由設計、製作實體雛形、購買材料、落手施工，耗時共十多個放工後的晚上，「其實最主要係個設計要諗吓，究竟點樣善用空間，同埋上下層點樣可以貫穿。」樂園上下層以組裝膠板作支架及圍欄，地上鋪上假草皮，去水絕對冇問題。兩層以約四十五度的斜道連接，可讓龜龜行走玩「障礙賽」，同時亦有暖燈角落。走到上層，石屎斜台後就是鋪上泥土的孵蛋室，Ben另外加設了監控鏡頭，留意龜蛋情況。

Ben小時候也有養過烏龜，但直至長大後偶爾閒逛金魚街，才真真正正的開始鑽研「龜經」，成為「龜癡」。現時他家中天台養了兩隻巨如石塊、身長五十厘米的非洲盾臂龜，亦有十多隻堪稱「世上最難養陸龜」的印度星龜。照顧不易，喜愛的原因卻很簡單，「我覺得佢哋個樣好似恐龍，我又覺得恐龍好有趣，所以就鍾意咗養龜。」他認為：「龜互動性係低啲，但其實一樣識得認人，同埋我自己覺得互動性低反而仲好，我觀賞佢時唔使成日抱住攬住！」陸龜壽命雖比人長，Ben仍向他的愛龜承諾，會養牠們直至自己死的一天。