新一份財政預算案喺下周三公布，建制派同泛民主派近日大力要求政府派錢，但立法會保險界議員陳健波直指「全民派錢」唔係有效運用公帑嘅方法，反而建議政府搞免稅，月入六萬元以下嘅市民唔交稅，以扶助中產，咁做只係令政府少收八十四億元。之不過，財政司司長陳茂波（波叔）對派錢嘅態度好冷淡，又暗示唔會代公屋住戶繳租金，好似乜都唔想做咁款，班議員嗌價愈嚟愈高，最怕係令市民期望愈高，失望愈大。
