九巴車禍餘生 方伯還神感恩「最緊要一家齊齊整整食餐飯」
「搭上亡命九巴係不幸，但慶幸仲可以喺度同屋企人過年！」退休大廚「方伯」上周六首次乘搭872線「散場巴士」遇車禍，幸僅手腳受傷，留醫兩日後可出院。雖然車禍留下難以磨滅的慘痛記憶，但方伯樂觀地向前看，坦言：「可以大步檻過，我已經好感恩。」昨日年卅晚他原本打算親自下廚煮團年飯，惟因手腕仍有傷，需由妻子代勞，今日大年初一他會到村公所還神，冀新一年重新開始，亦祝願其他傷者早日康復，死者家屬盡快走出陰霾。
23人仍然留醫 5人危殆
車禍造成十九死六十五傷，截至昨晚八時，仍有廿三名男子留醫，其中五人危殆，四人情況嚴重。已出院的六十六歲男傷者「方伯」，居於大埔林村，上周六（10日）與兩名「馬迷」好友乘的士前往沙田馬場觀賽，散場後平時會乘的士或搭港鐵回家，惟當日「行過龍」，加上的士站排長龍，遂首度坐872線九巴。他苦候逾十分鐘才有車，因「有班老伯話無晒位坐唔上住」，故他便上車，並站於近中門位置。巴士至大埔公路近大埔尾入彎時車速奇快，方伯說：「嘩！揸得咁快嘅，我都覺唔妥，捉實啲扶手！」未幾，巴士失事翻車，車內恐怖畫面他仍歷歷在目。
「有人叫走、有人叫救命，我仲好似傻佬咁企咗喺度……」方伯回過神來，慌忙與友人由車頭破窗爬出逃出生天。不過，他離開車廂後始知事態嚴重，有人被壓於車底，有人血流披面。方伯身體有多處瘀傷，於本周一（年廿七）出院，同行兩名友人傷勢較重，一人腳部受傷需縫十多針，另一人撞傷鼻骨。方伯指有致電家人報平安，亦在場接受傳媒訪問，他笑言：「屋企人喺電視見到我咁有中氣鬧人，就知道我冇事。」
對路線留陰影 「寧願行路」
方伯稱：「如果我哋有坐的士，或者等有座位先上車，可能會避過車禍。但相反，如果排前啲，可能坐咗去上層，今日已經唔可以企喺呢度，唔可以同屋企人過年，今次可以大步檻過，我已經好感恩。」方伯指雖然現時仍「周身骨痛」，但坦言：「對比其他傷者我已經好好彩，只係有少少傷，仲行得走得。」但他對於乘搭該路線巴士仍有陰影，並說：「我寧願行路返去都唔會再坐呢班車。」
盼其他傷者早日康復出院
出院後，方伯與家人辦年貨，並在家中張貼「福星拱照」、「出入平安」、「百無禁忌」等揮春，希望開心展開新一年，一洗霉氣，昨年卅晚未能親自下廚，他表示：「最緊要一家人齊齊整整，高高興興食餐飯！」方伯今日亦會到村公所還神，答謝神明庇佑，並說︰「呢啲一定要做，多謝祖先、神明保佑！」方伯得悉仍有不少傷者徘徊於生死邊緣，正奮力與死神搏鬥，他祝願：「希望受傷嘅朋友快啲出院，心靈受創嘅可以淡忘，死者家屬可以堅強向前看。」