維園年宵人頭湧湧 攤檔盼播正能量
【本報訊】維園年宵昨踏入第二天，氣溫雖比開鑼日稍降，亦無損市民入場興致，場內人頭湧湧。由十多名中、大學生組成的「狗仰大名」攤檔售賣特色暖手咕o臣，負責的吳同學表示銷情不俗，亦有以優惠形式刺激銷情，又指當日得知巴士翻側新聞時感到心痛，「意外嘅嘢無人想，所以希望喺新年開心節日散播番快樂氣氛畀大家。」
巴士車禍感心痛
售賣富貴菊、百合等的「海藝花社」負責人許小姐指，首兩天銷情尚可，預料近年三十晚銷情會更理想，今年來貨價變高，但幸好售價與過往相若。她說車禍是會影響心情，「近新年先咁樣，本應該開開心心」，心情都「唔太安樂」。市民Ken偕同太太購買價值二百元的桃花，有感售價比往年便宜及美觀，說車禍意外是「唔好彩，就新年又過唔到年」，故他的新年願望是希望可以人人行大運。
不少市民到九巴的年宵攤檔購買模型，有市民及商戶坦言近日發生巴士車禍影響心情，希望死者家屬能振作。家住大埔的九巴車長葉先生一家三口入場，購買了巴士模型，說駕車一向小心，「始終孭住百幾二百條人命。」