終審法院尋日就衝擊政府總部東翼前地案作出終極裁決，五位法官一方面話上訴庭要求加重對暴力示威案件嘅刑罰講得啱，但另一方面又話原審裁判官輕判黃之鋒等「雙學三子」冇做錯，聽到市民一頭煙，總之最後就係放生三子，唔使坐監。警察拉人，法官放人，反而喺佔中期間執法時犯錯嘅七警同朱經緯就被重判，試問一旦將來再次爆發佔中，警察仲應唔應該、敢唔敢執法呢？
