近期坊間陸續舉辦盆菜宴，提醒咗大家農曆新年下星期就到喇，好似立法會議員周浩鼎（左起）、陳克勤、劉國勳同沙田區議員李世榮早前就一齊出席盆菜宴，睇落仲玩得幾開心添！但克勤就零舍突出，事關佢當時所用嘅筷子特別長，同其他人形成強烈對比，唔通佢錯用公筷咁唔小心？有人就透露，克勤當時話鍾意用長筷子係因為配合身材，難怪其餘三人用普通筷子就得喇！不過，會唔會係其餘三個阻碇，搞到克勤唔用長筷子就冇啖好食咋？
（互聯網）
