政情：八網難逃：陳學鋒遇非洲電騙 笑言「簡奴」打嚟
騙徒手法層出不窮，近年電騙唔單止手法改變，由扮屋企人到官員，地點更由香港變為世界各地。中西區區議會副主席陳學鋒喺Facebook發貼，話日前凌晨三點幾有個由尼日利亞打嚟嘅電話，好彩校咗靜音先冇嘈醒，佢仲笑問莫非係已退役嘅尼日利亞足球名將簡奴打嚟？
陳學鋒接受查詢時進一步爆料，原來唔單止尼日利亞，近排仲有顯示來自巴基斯坦、阿塞拜疆等國家嘅電話打嚟，好在陳學鋒一眼就睇出呢啲係詐騙電話，所以一概都唔聽。咁有無安裝阻隔垃圾電話App？陳學鋒就話暫時冇裝，只可以自己見一個Block一個，人手封鎖晒啲電話嘞。