廣深港高速鐵路預期在今年第三季通車，所以近期都陸續公布票價、班次、線路等資料。運輸及房屋局局長陳帆早前就講過，高鐵香港段喺五十年營運周期內會有健康財政回報，而尋日佢接受電台訪問時更加收窄範圍，直言抱有信心，預計可以喺高鐵營運八至十年後就會有盈利喇。俗語話「風水佬呃你十年八年」冇仇報，如果高鐵八至十年後賺唔到錢，睇怕局長已經換咗人，市民可以向邊個問責呢？
