政情：偉綸介紹偉燐 由印裔學徒變水署主任

偉綸話偉燐當年中五畢業，成績平平，唔想做文員，但對機器操作又特別感興趣，同爸爸商量後申請做電機學徒，獲派到水務署實習，並晉升至機電工場嘅總技術主任。一做就大半生，現時負責督導同事維修同保養電泵摩打，並監察係咪正常運作。

香港土生土長 三代效力水署

土生土長嘅偉燐講得一口流利廣東話，而且一家三代都喺水務署工作。爺爺戰前喺水務署做看更，而爸爸就喺機器部做技術員，退休前晉升至總技術主任。縱然膚色種族唔相同，但偉燐形容水務署就好似一個大家庭，無分彼此，寄語有意入行嘅年輕人，只要肯搏肯捱，機會就喺眼前。