政情：公民講場：樓市未拆掂 諗派錢 陳茂波隨時歷史重演

本報早前報道過，受惠於經濟增長同樓股齊升，今個財政年度港府盈餘又再大水浸，隨時較原來預算多出一千億元。財政司司長陳茂波尋日出席活動時，承認今年盈餘會相當高，佢會諗吓點樣善用，詳情喺下月底嘅新一份財政預算案公布。對於有市民叫佢直接派錢還富於民，佢就笑笑口話會「諗諗」。陳茂波諗唔掂樓市「減辣」，就「諗諗」派錢，可能派錢唔使用腦，但小心好似前財政司司長曾俊華當年一刀切向全港市民派錢咁惹來劣評，真係唔好隨便亂噏當秘笈。