政情：今日你上鏡：方國珊患腦血管瘤 籲「別愛得太遲」

社會上多咗人注重健康，但往往有啲疾病好難預防。西貢區議員方國珊尋日就自爆腦內出現血管瘤，仲要係兩年多前已經發現，因為佢爸爸係中風患者，所以佢就估計係同遺傳有關。雖然患病，不過方國珊就處之泰然，話依家會定期檢查，亦有做針灸，平日亦會多做運動，飲食就要多菜少肉喇。佢又話，依家自己仲十分精神，仍然能夠全心投入服務市民，所以都想趁自己有能力時盡量幫人，佢仲呼籲大家「說愛我，別太遲」咁話。