政情：鑲鑽頭箍太貴重 區璟智唔捨得買

財經事務及庫務局前常任秘書長區璟智（右）之所以有頭箍小姐嘅稱號，當然頭箍就係佢嘅標誌，早前見佢孖住老公（左）出席一個場合，見佢戴住嘅心口針（圖）好搶眼喎。問起有冇鑽石嘅頭箍同首飾，區璟智話去旅行嘅時候都會睇吓啲首飾，見過有鑲上鑽石嘅頭箍，但佢覺得咁貴重，自己唔捨得買嘞！轉頭佢又讚企喺旁邊嘅老公，話老公好好耐性同眼光，會陪佢一齊睇頭箍同首飾，而佢戴上嘅心口針都係去旅行時買嘅。