長沙灣海麗邨外判清潔工人罷工十日，終於得到舊外判商支付遣散費同新外判商承認工人年資。政務司司長張建宗喺工潮過後先話政府高層關注事件，仲話相關政策局已成立工作小組檢視外判制度，如果承辦商明顯違規，會有行政制裁。老實講，外判商壓榨工人嘅事件唔係今日先爆出嚟，張建宗依家好似突然瞓醒，先覺得要做嘢，根本係後知後覺喇！
