立法會政府帳目委員會尋日就海事處採購船隻工作展開聆訊，主席不滿運輸及房屋局局長陳帆冇出席，更一度提出取消今次聆訊，而代為出席嘅副局長蘇偉文就解釋陳帆係公務纏身。公務纏身？一身蟻就真。除咗缺席帳委會聆訊外，連海麗邨清潔工都話要「尋人」，要搵陳帆出嚟對話，再加上港珠澳大橋鋼筒沉降同船廠霸海出租遊艇泊位醜聞拆唔到彈，喺風頭火勢下，佢梗係匿得就匿喇！
