櫃車似箭飛掠 女傷者嚇呆
【本報訊】目擊意外一刻姓黃女傷者，憶述意外時猶有餘悸，前晚她在轉車站268X路線等車，當時有七人排在前方。她稱：「成個貨櫃車好似飛咁，喺我眼前一支箭咁衝咗落去（山坡），好大煙大塵湧過嚟，我成個人呆咗，完全冇反應。當時聽到『呯呤嘭唥』，部車撞咗落個站，我哋好驚個站冧，啲人係咁走，我畀前面嗰個人撞到，瞓咗落地！」
黃續稱，當時排在隊頭的人反應快速向後閃避，排第二女子疑被其他乘客阻擋，被貨櫃車撞到推落山坡慘死。黃在醫院時曾聽到貨櫃車司機聲稱，因要避車釀禍，惟警方追問避甚麼類型車輛，司機支吾其詞。黃稱：「司機話佢行緊（時速）50、60（公里），如果避車正常會扭軚煞車，但我唔覺佢有煞車，感覺佢車速幾快。」黃頭頂、左手、肩膊及臀部疼痛，「仲好驚，依家喺路邊等車，見到貨櫃車經過都驚一驚、向後褪一褪。」
與男傷者距離僅五呎
姓馮男傷者指，事發時見到貨櫃車突改變方向駛近，距離他僅五呎，他本能向後褪，貨櫃車撞毀巴士站時，車站碎片擊傷其手指，車上有紅油灑落其頭及背部。馮稱：「我以後都唔會喺嗰度轉車，寧願畀多四蚊，去又新街轉車，嗰度啲車速冇咁快，安全啲。」
昨日在涉事轉車站候車乘客對意外感震驚。乘客金婆婆指「當然驚，個心寒一寒」，又建議：「啲後生仔等車要留神，唔好撳電話撳到入晒神」。姓徐女乘客表示，近年駛經上址貨櫃車數量上升，若司機心急駕駛易釀禍。
涉事轉車站有部分昨仍圍封，268B、268C、269D、68X及268X路線的候車位置要向後移遷，路政署派人到場修葺損毀路面及欄杆等。