貨櫃車司機疑直踩16小時釀禍

業界：工資低 普遍超時

物流及貨櫃車司機工會總幹事洪俊毅表示，貨櫃車司機工作十多小時並不罕見，他指：「一日揸十四個鐘嘅情況好普遍存在，唔係『OT（超時工作）』，係一開始已講明開十四個鐘。」

洪指，貨櫃車司機主要以每月及「每轉」兩種計薪方式；後者成為誘因令司機「踩多兩轉」，但即使計月薪，不少僱主亦要求司機完成一定「轉數」，「即使塞車延誤，司機都要『OT』運晒啲貨。」惟現時業界工資水平低，即使司機每周工作六天、每日十二至十三小時，月薪亦僅二萬多元。

洪又稱：「因為冇標準工時，對僱主而言，請兩個司機返十二個鐘，同請三個司機返八個鐘成本一樣，無必要請多個人。」加上業內低薪問題令入行人數減，司機老齡化及逐漸退休，人手不足令長時間工作問題惡化，最嚴重工種是貨櫃碼頭及中港貨櫃車司機。

促政府訂立標準工時

洪指出，長時間駕駛會造成精神疲勞，令貨櫃車變「公路炸彈」，「今次個炸彈喺大欖爆，下次可能喺深水埗、旺角等鬧市爆，後果嚴重好多。」即使業界多次要求政府訂立標準工時，但當局一直視而不見，「政府唔出事都唔會理，深水埗城巴意外後就關注車長工時問題，今次係咪要解決物流業問題？」他認為政府應訂立標準工時為每周四十四小時，規定超時工作「補水」為正常工資一點五倍，並應立法作規管，而非訂立無約束力的「指引」。