職場健康：工地用品收妥 安心好過節

甫走出辦公室，見到遠處的阿安把金屬鐵架焊接後，沒有將電焊機的電源關上就離開。振邦於是上前跟他說：「阿安，雖然就快放假，但絕對唔可以唔理安全。電焊機用完記住關上電源及將插頭移除。」

阿安急忙回答：「因為趕住收工，一時唔記得，唔好意思。」

振邦補充道：「記住要將工作場地清理好，確保冇留低火種同將用完嘅焊枝收拾妥當，並將電焊設備放番係指定位置。其他用完嘅機械同電器設備都記得要關上同將插頭移除。」

電箱插頭謹記移除

然後，振邦經過附近一個電箱，看見電王阿全剛剛完成電箱檢查，準備離開。振邦叫停阿全：「你檢查完之後冇將電箱鎖上，如果其他工友唔小心打開電箱，誤觸電掣，好危險(口架)。記住要將所有電器同電插頭由電箱移除。」

阿全一臉歉意回答道：「因為仲有幾個電箱趕住檢查，冇留意到，下次唔會(口架)喇！」

當振邦打算轉身離開之際，阿健拍了他一下：「振邦，我收工先，放假玩得開心啲！」振邦看到路中心擺放了阿健剛用完的流動式通架，拉住阿健說：「將流動式通架放喺路中心，會阻塞通道。快啲將佢放番喺指定嘅存放位置啦。」

眼見工友在假期前的安全意識十分薄弱，振邦決定在工地制訂「假期前後工作安全須知」，提高工友的警覺性。

職業安全健康局

www.oshc.org.hk