政情：公民講場：元旦遊行用政總前地 民陣要再交申請

政府終於喺尋日宣布今日重新開放俗稱「公民廣場」嘅政府總部東翼前地，並接受市民申請喺周日同公眾假期於政總東翼前地舉行遊行集會，最早可提供嘅日期為本月三十一日，民間人權陣線將會搞元旦遊行，未知公民廣場會重開，早前已向警方申請喺嗰度舉行集會，而民陣召集人葉志衍亦話已收到警方回覆，元旦遊行可以使用政總東翼前地，但就要再提交申請。即係話民陣唔好一廂情願以為申請咗就過關，要重新嚟過。