財政司司長陳茂波（波叔）依家正分批會見各大政黨就明年二月公布嘅財政預算案畀意見，有政黨代表尋日見完波叔之後話估計今個財政年度嘅盈餘高達逾千億元，要求波叔善用盈餘幫市民同埋要加大投資咁話。老實講，前財爺曾俊華年年計錯數，又被炮轟做守財奴，而若果真係有逾千億元盈餘嘅話，即係話波叔依家「水」浸眼眉，若果仲係唔肯放水嘅話，肯定民怨沸騰，波叔好自為之嘞！
