政情：今日你上鏡：吳璟儁曾請譚志源食檸檬

政制及內地事務局前局長譚志源同該局嘅現任副局長陳帥夫、政治助理吳璟儁尋日一齊出席一個法律活動，譚志源仲要揸機自拍添！

原來佢哋三個都係新界鄉議局元朗區中學嘅舊生，即係師兄弟喇，而且佢哋都先後喺政制及內地事務局工作，但譚志源就冇做過二人嘅上司嘞！

譚志源話以前做政務官時早已經認識陳帥夫，但就未曾同對方喺同一個部門共事過，而喺吳璟儁讀高中時，自己曾返母校介紹政務官嘅工作，而喺自己做局長時，前政助陳岳鵬升做副局長後，亦曾經邀請師弟吳璟儁做政助，但對方就請佢「食檸檬」呀！